இன்றைய சந்தை சுமார் 132. புள்ளிகள் குறைந்து 3818.30 என்ற நிலைகளில் முடிவடைந்துள்ளது. நேற்றே 4000 என்ற அளவில் புள்ளிகளில் தக்க வைத்து கொள்ளாத நிலையில் இன்று மீண்டும் கீழே சென்றுள்ளது. நீண்ட கால முதலீட்டாளர்கள் இன்னும் சற்று காலம் காத்திருக்க வேண்டும் என்றே நினைக்கிறேன்.இனி வரும் நாட்களில் காலாண்டு நிதி அறிக்கைகள் கிடைக்க இருப்பதால் எந்தெந்த பங்குகள் தன் நிலையை தக்க வைக்கும் என்பதை பார்க்கலாம்.
இரும்பு சம்பந்தப்பட்ட பங்குகள் மீண்டும் இன்று கீழே இறங்கி உள்ளது, அதிலும் Tata Steel 400 என்ற நிலையை உடைத்திருப்பது சற்றே அப்பங்கின் தொய்வை காணலாம்.இன்றைய சந்தை உலக அளவில் முதலீட்டலர்களிடம் சற்று குழப்பத்தை உண்டு பண்ணி உள்ளது எனலாம்.
ஆசியா மற்றும் அமெரிக்கா சந்தைகள் பொருளாதார சிக்கல்களில் இருந்து எப்பொழுது விடுபடும் என்ற எண்ணம் எல்லோர் மனதிலும் பயத்தை உண்டு பண்ணி உள்ளது. எந்த நிலையில் வணிகம் செய்யலாம் என்ற குழப்ப நிலையை கடந்த சில நாட்களாக கண்டோம். இது வரும் நாட்களிலும் தொடரும் என்றே எண்ணுகிறேன்.
கருத்துகள் இல்லை:
கருத்துரையிடுக